Igrexa de Santa María de Adina

A igrexa de Adina ten a súa orixe no culto pagán á deusa Minerva que ao cristianizarse se chamou A Digna para finalmente transformarse en Adina.

O templo construíuse sobre outro románico do ano 1170 do que se conservan os muros e mais o beirado. A capela é do século XVI e ten unha bóveda nervada. No frontal do altar hai un lintel de baldaquino onde aparece a Virxe coroada co neno Xesús nos brazos. No exterior no seu frontal presenta unha talla de pedra da Virxe María, enriba un rosetón e unha cruz no pinchón. Á dereita hai unha pequena torre campanario con pináculos.