SANXENXO

Sanxenxo é unha vila situada na costa de Galicia, España. Está bañada polo Océano Atlántico  é considerada a capital turística das Rías Baixas. A súa situación privilexiada confírelle unhas condicións climáticas excelentes, cunha temperatura media de 15ºC, así como un entorno cun encanto inigualable no que destacan as fermosas praias e os paisaxes naturais de gran beleza.

Os 44 Km² de extensión cos que conta o Concello de Sanxenxo están repartidos en sete parroquias (Adina, Bordóns, Dorrón, Nantes, Noalla, Padriñán e Vilalonga) cunha poboación aproximada de 17.100 habitantes, sendo as Vilas de Sanxenxo, Portonovo e Vilalonga os núcleos urbanos máis importantes.

Coñecido principalmente pola súa costa: 36 Km de litoral que se estende  polas Rías de Pontevedra e Arousa. Ademais, conta con pequenas calas e 24 praias, 14 delas con Bandeira Azul, sendo desde o 2.004 o municipio con máis galardóns de toda España e o segundo de Europa.

Ó longo do tempo Sanxenxo converteuse nun referente do turismo en Galicia, e ademais ábrese ó resto do mundo grazas a que conta con fáciles accesos, xa ben por autopista ou por un dos aeroportos próximos (Vigo e Santiago). E por suposto o seu extraordinario Porto Deportivo Juan Carlos I, é para obrigatoria para moitos navegantes nacionais e estranxeiros.

Sanxenxo ofrece unha ampla e variada gastronomía. A maioría dos mariscos e pescados son capturados nas súas costas e de aí chegan directamente ás prazas de abastos e restaurantes. A experiencia dos restauradores fai que cada un aporte ós seus pratos o seu propio toque persoal, conseguindo así pratos únicos. Ós mariscos e pescados temos que sumarlle tamén as estupendas verduras e hortalizas, cultivadas nas hortas do municipio, que xunto coas carnes conforman un delicioso complemento. Ademais hai que sinalar  que Sanxenxo forma parte das Rías Baixas, e por tanto, moito do viño albariño denominación de orixe Rías Baixas, procede dos viñedos do municipio.

E despois de coñecer as posibilidades que ofrecen os produtos da terra á gastronomía local, queremos mostrar os recunchos nos que desfrutar dun bo manxar.

CONTACTO

Tel: (+0034) 986 720 285

Fax: (+0034) 986 721 293