Calquera actividade mariña atopa en Sanxenxo o seu grande escenario. As actividades náuticas pódense practicar todo o ano, agás con temporais extremos, porque as rías sempre che dan a posibilidade de elixir entre navegar polo seu interior, máis protexido, ou o contrario.
O calendario anual de regatas e actividades náuticas compleméntase coa celebración de grandes eventos internacionais, como a Volvo Ocean Race (2005) e os campionatos de Europa (2021) e o Campionato do Mundo (2022) de vela clase 6 metros.
 
2 PORTOS DEPORTIVOS
Sanxenxo suma 653 puntos de amarre entre os portos deportivos de Sanxenxo e Portonovo. Ambas as dúas instalacións contan coa bandeira azul e o Q de calidade e dispoñen de calquera servizo que requiran os tripulantes das embarcacións.
 
Porto deportivo Xoán Carlos I
• 450 amarres, entre 8 e 45 metros de eslora
• Bocana de 50 metros
• Calado entre 5 e 8 metros
• Travelift 70 toneladas
• 5.600 m2 de varadoiro
 
Porto deportivo de Portonovo
• 203 amarres, entre 6 e 16 metros de eslora
• Calado 5 metros
• Travelift 100 toneladas